დავით ზალკალიანი კონგრესმენ რიკ ლარსენს შეხვდა

280
წაკითხვა/ნახვა
IMG.GE

დავით ზალკალიანი ვაშინგტონში ვიზიტის ფარგლებში კონგრესმენ რიკ ლარსენს შეხვდა. ოფიციალურ ინფორმაციას საქართველოს საგარეო საქმეთა სამინისტრო ავრცელებს:

“მხარეებმა კიდევ ერთხელ ხაზი გაუსვეს საქართველო-ამერიკის სტრატეგიულ პარტნიორობას და აშშ-ს კონგრესის მნიშვნელოვან ორპარტიულ მხარდაჭერას საქართველოს მიმართ. დადებითი შეფასება მიეცა საქართველოს ევრო-ატლანტიკური ინტეგრაციის დღის წესრიგს და აღინიშნა ამ მიმართულებით ამერიკის მტკიცე მხარდაჭერა. კონგრესმენმა ლარსენმა, რომელიც ნატო-ს საპარლამენტო ასაბლეაში ამერიკის დელეგაციის წარმომადგენელია, გამოთქვა მზაობა აქტიურად ითანამშრომლოს საქართველოსთან ნატოში ინტეგრაციის პროცესის მხარდასაჭერად.

საუბარი შეეხო რეგიონში არსებულ გამოწვევებს, საქართველოს ოკუპირებულ ტერიტორიებზე შექმნილ უსაფრთხოების გარემოს, კიდევ ერთხელ აღინიშნა აშშ-ს მტკიცე მხარდაჭერის მნიშვნელობა ადგილზე უსაფრთხოების უზრუნველყოფის და კონფლიქტის მშვიდობიანი დარეგულირების პროცესში.

კონგრესმენი დაინტერესდა საქართველოს ეკონომიკის მზარდი პოტენციალით, თავისუფალი ვაჭრობის შეთანხმებებით მსოფლიოს და რეგიონის ბაზრებთან და აშშ-საქართველოს ეკონომიკური თანამშრომლობის განვითარების პოტენციალით.”- წერია უწყების გვერდზე.

თქვენი კომენტარი?
IMG.GE