ვაშინგტონმა თეირანის წინააღმდეგ ოპერაციის დაწყებისას საბრძოლო მასალაზე თითქმის 6 მილიარდი დოლარი დახარჯა, იტყობინება Washington Post წყაროებზე დაყრდნობით.
„ირანის წინააღმდეგ სამხედრო ოპერაციის პირველი ორი დღის განმავლობაში პენტაგონმა საბრძოლო მასალაში 5,6 მილიარდი დოლარი დახარჯა“, – ნათქვამია სტატიაში.
როგორც გამოცემამ აღნიშნა, კონგრესის ზოგიერთი წევრი შეშფოთებულია იმ ტემპით, რომლითაც შეერთებული შტატები მაღალტექნოლოგიურ იარაღზე ხარჯავს, რომლის მარაგებიც ისედაც შეზღუდულია. “ვაშინგტონ პოსტის” ცნობით, ამერიკას რესურსები ახლო აღმოსავლეთში სხვა რეგიონებიდან, მათ შორის ინდო-წყნარი ოკეანის რეგიონიდან გადააქვთ.
თებერვლის ბოლოს აშშ-მ და ისრაელმა ირანის წინააღმდეგ ფართომასშტაბიანი ოპერაცია დაიწყეს . თელ-ავივმა განაცხადა, რომ მისი მიზანი თეირანისთვის ბირთვული იარაღის შეძენის თავიდან აცილება იყო. ვაშინგტონი ირანის ფლოტისა და თავდაცვის მრეწველობის განადგურებით იმუქრებოდა და ქვეყნის მოქალაქეებს რეჟიმის დამხობისკენ მოუწოდა.
ირანი საპასუხოდ ისრაელის ტერიტორიაზე, ასევე ახლო აღმოსავლეთში, მათ შორის არაბთა გაერთიანებულ საემიროებში, ყატარში, საუდის არაბეთში, ერაყში, ქუვეითსა და სხვა ქვეყნებში, ამერიკულ სამხედრო ობიექტებზე დარტყმებს ახორციელებს
Multimedia.ge-ს დამფუძნებელი და მთავარი რედაქტორი.
ინტერნეტ რესურსი 2018 წლიდან ფუნქციონირებს