18/11/2026ახალი ამბების ვებ საიტიმთავარი
თბილისი--:--:--
☀--°Cამინდი იტვირთება
₾ ვალუტა
ეროვნული ბანკის ოფიციალური კურსიკურსი იტვირთება…
მონაცემები იტვირთება…
წყარო: საქართველოს ეროვნული ბანკი
ამინდი
თბილისი · ამინდის პროგნოზი იტვირთება…
მთავარი / MULTIMEDIA.GE
MULTIMEDIA.GE›საზოგადო

თქვენ რა გეშველებათ, თქვენ, ცეტებო?! – ბონდო მძინარაშვილი ოპოზიციას

MULTIMEDIA.GE •
სარეკლამო ბანერი
ტექსტის ზომა:

არც ვაშინგტონში უკვირთ ინგლისურად ცუდად ან აქცენტით ლაპარაკი და არც მოსკოვში უკვირთ რუსულად ცუდად ან აქცენტით ლაპარაკი.

მახსოვს, მხოლოდ ერთხელ გაიღიმა ირონიულად კოლეგამ მოსკოვში ჩემი “აქცენტირებული” რუსულის მოსმენისას და იქვე გავახსენე საბჭოთა იმპერიის ქართული აქცენტიც და ისიც, რომ 1953 წლის 5 მარტამდე მთელ იმპერიას “საქართველოდან ამოსული მზე ანათებდა”. უმალ გაისწორა სახე რუსი გრაფის შთამომავალმა.

ჰოდა, სუსკაც!”– წერს სოციალურ ქსელში ჟურნალისრი ბონდო მძინარაშვილი და პასუხობს იმ ადამიანებს, რომლებმაც, ამერიკაში,  გლობალურ სამიტზე, საქართველოს პირველი ლედის, თამარ ბაგრატიონის სიტყვით გამოსვლა გააქილიკეს.

“ამერიკაშიც და რუსეთშიც, წესიერ საზოგადოებაში, როცა გრამატიკულად ვერ სხლავ და მოსაუბრე რამეს ვერ იგებს, აზუსტებს და ამის გამო არ დაგცინის, აი, ქართველებმა კი “ბაკაკი ცკალში კიკინებს” კომპლექსი ვერ მოვიშორეთ და სულელივით გვეცინება უცხოტომელის ქართულზეც და ქართველის “ფრანციცულზეც”..
ამჯერად მხოლოდ ერთ საჯარო გამოსვლაზე არ ვამბობ, საზოგადოდ ასეა.
ისე კი,

“რა გინდა რომ აქ არ იყოს, –
ენა იტყვის რას!
სიტყვა გინდა?! –
მარტო წვიმას
აქვს სახელი ცხრა.
მე შენ გეტყვი –
არ გეყოფა სიტყვის მარაგი…
არა!
სხვისი მისაბაძი
რა მჭირს, –
თვარა, – კი!” (მუხრანი)

ჰოდა, საქართველოს სახელით “ილაპარაკეთ მხოლოდ ქართულად”!

P. S. თამარ ბაგრატიონი ვაშინგტონში გამგზავრებამდეც დიდებული ქართული ოჯახის შვილი იყო და ვაშინტონიდან დაბრუნებულიც დიდებული ქართული ოჯახის დედა იქნება ისევ.
თქვენ რა გეშველებათ, თქვენ, ცეტებო?!

როდემდე უნდა იქნიოთ ორკაპა კუდი და აბაკუნოთ ალესილი ჩლიქები?! სულ ასე ივლით მაგ “მოღრეცილი ფეხებით”! (წვიმამ – ნისლიანი ალბიონი, ალბიონმა კი ჩერჩილი გამახსენა).”- წერს ბონდო მძინარაშვილი.