ვიქტორ ორბანი მხარდამჭერებს მიმართავს — აღიარებს მარცხს და ოპოზიციაში გადასვლას, მისი თქმით, არჩევნების შედეგები მტკივნეულია, თუმცა ნათელი.
ორბანის განცხადებით, მიუხედავად იმისა, რომ საბოლოო მონაცემები ჯერ კიდევ არ არის გამოცხადებული, სურათი უკვე გასაგებია.
„არჩევნების შედეგები ჯერ საბოლოო არ არის, თუმცა გასაგები და ნათელია. ეს შედეგი ჩვენთვის მტკივნეულია, მაგრამ ცხადი. ქვეყნის მართვის პასუხისმგებლობა და შესაძლებლობა ჩვენ არ მოგვენიჭა. გამარჯვებულს უკვე მივულოცე,“ — განაცხადა ვიქტორ ორბანმა, რომელიც უნგრეთს 16 წლის განმავლობაში მართავდა.
რაც ეხება პიტერ მადიარს, უნგრეთის პოლიტიკურ სცენაზე ის ერთ-ერთ ყველაზე განხილვად ფიგურად ბოლო პერიოდში ჩამოყალიბდა, რომელმაც მოკლე დროში შეძლო ფართო საზოგადოებრივი მხარდაჭერის მოპოვება და მმართველი ძალის მთავარი ოპონენტის როლის დაკავება.
პოლიტიკაში მაგიარის აქტიური ჩართვა შედარებით ახალია, თუმცა მან სწრაფად მოიპოვა პოპულარობა ანტისისტემური გზავნილებითა და კორუფციის წინააღმდეგ მკვეთრი განცხადებებით. მისი კამპანია ფოკუსირებული იყო სახელმწიფო ინსტიტუტების გამჭვირვალობაზე, სასამართლო დამოუკიდებლობასა და ევროკავშირთან ურთიერთობების გაუმჯობესებაზე.
პიტერ მადიარი წარსულში დაკავშირებული იყო მმართველ წრეებთან, რაც მის პოლიტიკურ გზას კიდევ უფრო საინტერესო და გარკვეულწილად წინააღმდეგობრივს ხდის. სწორედ ამ გამოცდილების გამო, ის ხშირად აკრიტიკებდა ხელისუფლების შიდა მექანიზმებს და აცხადებდა, რომ სისტემის პრობლემები შიგნიდან იცის.
ბოლო არჩევნების კონტექსტში, მაგიარის როლი განსაკუთრებით გაიზარდა — ანალიტიკოსების შეფასებით, სწორედ მისი აქტიურობა გახდა ერთ-ერთი მთავარი ფაქტორი, რამაც ოპოზიციას მნიშვნელოვნად გაუზარდა მხარდაჭერა და შექმნა რეალური კონკურენცია ორბანის პარტიისთვის.
Multimedia.ge-ს დამფუძნებელი და მთავარი რედაქტორი.
ინტერნეტ რესურსი 2018 წლიდან ფუნქციონირებს