ქუთაისში ეძებენ მზია ლომაიას, რომელიც 6 მაისის დილას, დილის 6 საათზე გავიდა შინიდან და არ დაბრუნებულა. ინფორმაციას მისი ქალიშვილი ავრცელებს.
“დილით, დაახლოებით 6 საათზე სახლიდან გავიდა დედა, რომელსაც თან არაფერი წაუღია, არც ტელეფონი, არც ფული… მხოლოდ ჩუსტებით გავიდა სახლიდან და მას შემდეგ აღარ დაბრუნებულა…
ქუთაისი არც ისეთი დიდი ქალაქია, რომ გზაში ვინმეს არ შეხვედროდა, ან სადმე არავის დაენახა… გთხოვთ თუ ვინმემ საეჭვოდ შეამჩმნიეთ მომწერეთ გეხვეწებით და გემუდარებით”- წერს პატრიცია ხუნწარია.
დაკარგული ქალის ძმისშვილი ირაკლი ლომაია წერს, რომ მის მამიდას ჯანმრთელობის არანაირი პრობლემა არ ჰქონია და ის ემიგრაციიდან 27 აპრილს დაბრუნდა.
ვისაც გაქვთ ინფორმაცია გაუჩინარებული ქალბატონის შესახებ, მიწერეთ ირაკლი ლომაიას ან პატრიცია ხუნწარიას ფეისბუქ გვერდზე.
Multimedia.ge-ს დამფუძნებელი და მთავარი რედაქტორი.
ინტერნეტ რესურსი 2018 წლიდან ფუნქციონირებს