MULTIMEDIA.GE - გადამოწმებული ახალი ამბები გასაგებ ენაზე

დავით ჩიხელიძე – “დემოკრატიული ცვლილებების ცენტრი”-ს ხელმძღვანელი

“ოპოზიციის მხრიდან, აქტიურად მიმდინარეობს საუბარი საარჩევნო ცვლილებებთან დაკავშირებით, მოგეხსენებათ არჩევნებამდე რამდენიმე თვე არის დარჩენილი, ამიტომ სასიცოცოხლოდ მნიშნელოვანია, საარჩევნო ცვლილებები არ განხორციელდეს!

როგორც წესი, ოპოზიცია აქტიურად აპელირებს ევროპულ გამოცდილებაზე და დიდ მნიშნელობას ანიჭებს უცხო ქვეყნის წარმომადგენლის განცხადებებს, მაგრამ ისინი როგორც ყოველთვის მიკერძოებულები არიან და მხოლოდ იმ განცხადებებზე ამახვილებენ ყურადღებას, რომელიც მათთვის საინტერესო და სასარგებლო არის, მათთვის მიუღებელ განცხადებებს კი გულმოდგინედ ივიწყებენ.

არსებობს რამდენიმე კომპეტენტური საერთაშორისო ორგანიზაციის განცხადება, რომელიც საქართველოს მოუწოდებს, რომ საარჩევნო ცვლილებები არჩევნებამდე ერთი წლით ადრე არ განხორციელდეს, აღნიშნულ მოწოდებას ახორციელებენ ისეთი ავტორიტეტული ორგანიზაციბი, როგორიც არის ვენეციის კომისია, ეუთოს დემოკრატიული ინსტიტუტებისა და ადამიანის უფლებების (ODIHR) ოფისი და სხვა.
ვენეციის კომისია ამბობს:  ევროპის საუკეთესო პრაქტიკის გათვალისწინებით, დემოკრატიისათვის და არჩევნების სანდოობისთვის მნიშვნელოვანია კანონმდებლობის სიმყარე, „საარჩევნო კანონმდებლობის ფუნდამენტურ ელემენტებში“ (საარჩევნო სისტემები, საარჩევნო კომისიის შემადგენლობა, საზღვრები) არაუგვიანეს არჩევნებამდე ერთი წლისა ცვლილება არ უნდა შევიდეს!

 ეუთოს დემოკრატიული ინსტიტუტებისა და ადამიანის უფლებების (ODIHR) ოფისი: საერთაშორისო კარგი პრაქტიკის მიხედვით, უმჯობესია საარჩევნო კანონმდებლობის ძირითად ასპექტები არ გაიხსნას ცვლილებებისთვის არჩევნებამდე ერთი წლით ადრე!
აღნიშნული გახლავთ, მსოფლიოს ავტორიტეტული ორგანიზაციების მოსაზრება, რომელიც გამყარებულია საუკეთესო პრაქტიკით და რეალურ ცხოვრებაში არაერთგზის არის გამოცდილი.”

თქვენი კომენტარი?