“ვინმეს სეზიორულად სჯერა, რომ 2012-2016 წლებში, საქართველოში კოაბიტაცია ხდებოდა ისე, რომ ივანიშვილი ამის წინააღმდეგი იყო? – განაცხადა თინა ხიდაშელმა 20 ოქტომბერს, გადაცემა “რეაქცია”-ში სტუმრობისას, როდესაც კომენტარი გააკეთა საკონსტიტუციო სასამართლოში ოპოზიციური პარტიების აკრძალვის საქმეზე.
“რა აკრძალვა?! – მისი მოთხოვნა იყო, საჯაროდ ცნობილი ფაქტია, უამრავი ვიდეო არსებობს, ჩემი მოთხოვნა იყო, რომ პარლამენტში, 2012 წელს შეგვექმნა საგამოძიებო კომისია, რომელიც გამოიძიებდა სანდრო გირგვლიანის, ბუტა რობაქიძის და გახმაურებული მკვლელობების საქმეს, რომელიც გამოავლენდა სად მოხდა საქმის ჩაფარცხვა, დაფარვა, მტკიცებულებების გაყალბება და სხვა.
მაშინ, პირადად ბიძინა ივანიშვილმა გადაწყვიტა, რომ ასეთი კომისია არ შექმნილიყო, იმიტომ, რომ მან თქვა – დაგვეძაბება ურთიერთობა დასავლეთთან, ეს არ იქნება სწორი და ამომრჩეველი გასცემს პასუხს ნაციონალურ მოძრაობას და ასე დაიწყო კოაბიტაცია საქართველოში”- განაცხადა თინა ხიდაშელმა.
Multimedia.ge-ს დამფუძნებელი და მთავარი რედაქტორი.
ინტერნეტ რესურსი 2018 წლიდან ფუნქციონირებს