ბოლო ამბები
მაისი 27, 2024

დავით კეზერაშვილი ტელევიზიის საკონტროლო პაკეტს არხის კოლექტივს ჩუქნის

აპრ18,2023
გაზიარება

დავით კეზერაშვილი ტელეკომპანია “ფორმულის” საკონტროლო პაკეტს არხის კოლექტივს ჩუქნის, ის მზად არის წილის ნახევარი ახლავე, მეორე ნახევარი კი, მისი თქმით. “ქართული ოცნების” მმართველობის დასრულების შემდეგ გადასცეს.

ამ ინფორმაციას ტელეკომპანია “ფორმულა” ავრცელებს:

“მრავალი წელია მეც და ჩემს ოჯახსაც არაერთხელ გვიფიქრია, ხომ არ ჯობს, თავი დავანებოთ ბრძოლას და მშვიდი რეჟიმით ვიცხოვროთ, რამდენად ეს შესაძლებელია იძულებით ემიგრაციაში. ამ დღეებში ეს საკითხი კიდევ ერთხელ გახდა ჩვენთვის აქტუალური, მაგრამ როგორც კი მსგავს პერსპექტივას ვუშვებთ, მაშინვე ვგრძნობთ პასუხისმგებლობას.

როგორ შეიძლება, ვდისტანცირდე ყველაფრისგან მაშინ, როდესაც შემიძლია თუნდაც ერთი აგური დავდო რუსული ოლიგარქიის წინააღმდეგ ბრძოლაში.

ამიტომ ვაცხადებ, რომ ჩემ ირგვლივ შექმნილი მძიმე გარემოს მიუხედავად, პროცესებიდან ჩემი გასვლა არ განიხილება. თუმცა ვიღებ გადაწყვეტილებას ჩემი დახმარების პარალელურად ტელეკომპანია „ფორმულას“ მივცე სრულიად ახალი და გამოცდილებით უნიკალური მედია-მოდელის შექმნის შესაძლებლობა, რომელიც კიდევ უფრო მაღლა აწევს მისი სარედაქციო დამოუკიდებლობის თამასას, მათ შორის ჩემგანაც (რისი დეფიციტიც არხს არც ამ დრომდე ჰქონია).

გადაწყვეტილება ასეთია: მე უარს ვამბობ “ფორმულას” საკონტროლო პაკეტზე და არსებული წილის ნახევარს ახლავე გადავცემ ტელეკომპანიის კოლექტივს. მას შემდეგ კი, რაც დასრულდება ოლიგარქიული მმართველობა, “ფორმულას” კოლექტივსვე სრულად გადავცემ ჩემს დარჩენილი წილსაც.

ივანიშვილის ფაქტორის გაქრობისა და დასავლურ სივრცეში საბოლოოდ შესვლის შემდეგ, დარწმუნებული ვარ თავისუფალ მედიას ჩემი მონაწილეობის გარეშეც გაუჩნდება ბევრი სხვა საარსებო წყარო და აქ დაესმება წერტილი ჩემს აქტივობას მედიის მხარდაჭერის მიმართულებით და ზოგადად, ყველა ტიპის ჩართულობას ქართული პოლიტიკაში”, – წერია დავით კეზერაშვილის განცხადებაში.

სხვა ამბების წაკითხვა