ვიცი, ბევრს არ მოგეწონებათ ჩემი დამოკიდებულება ამ საკითხთან დაკავშირებით – თემურ გვალია

529
წაკითხვა/ნახვა
IMG.GE IMG.GE
თემურ გვალია - მსახიობი

სანამ ოფიციალურად არ წარუდგენთ ბრალს გრიგოლ ვაშაძეს სახელმწიფო გადატრიალების მცდელობის საფუძველზე და სანამ ოფიციალურად არ დადასტურდება მისი ბრალეულობა, არ მიმაჩნია სწორად მისი ოჯახის წევრის, (მეუღლის, რომელიც დაჰყვება მას სხვადასხვა აქციებზე და როგორც სჩანს იზიარებს კიდევაც მის ხედვებს) მოვთხოვოთ პასუხი რამეზე. 

სწორი იქნება ნინო ანანიაშვილის საკითხის დაყენება მაშინ, როდესაც დამტკიცდება, რომ მისი მეუღლე გრიგოლ ვაშაძე და მისი “გუნდის” წევრები აკეთებდნენ ანტი-სახელმწიფოებრივ განცხადებებს და ხალხს მოუწოდებდნენ გადატრიალებისკენ. აი მაშინ კი შეგვიძლია დავუსვათ კითხვა ქალბატონ ნინო ანანიაშვილს: იზიარებს თუ არა ის, მისი მეუღლეს აზრს, რომ ხელისუფლება უნდა დაემხოს რევოლუციის გზით. 

და თუ ქალბატონი ნინო იზიარებს ამ ყველაფერს, იმ შემთხვევაში შეიძლება დავაყენოთ მისი ყოფნა-არყოფნის საკითხი იქ, სადაც იგი ხელმძღვანელობს ბავშვების და ახალგაზრდების აღზრდას. 

როდესაც ბავშვებთან გვაქვს საქმე, დიდი სიფრთხილე გვმართებს ჩვენც და ყველას ვისაც ქვეყანა გვიყვარს. 
მაშინ მიპასუხეთ, რატომ არის ხალხის უმრავლესი ნაწილი ბატონ პაატა ბურჭულაძეზე ნაწყენი? მოვიყვანოთ პაატა ბურჭულაძე და დავნიშნოთ ოპერის მმართველად! ჩავაბაროთ ბავშვების და ახალგაზრდობის ბედი, იმას ვინც სისხლში გასვრილი, ადრინდელი მთავრობის მოყვანას ცდილობს კვლავ ხელისუფლებაში! არა? და რატომ არა? 
ჩემს შვილს სულ რომ თედორე ივანეს-ძე შალიაპინის მომავალი “ეჭყანებოდეს”, ბურჭულაძესთან არც ერთ შემთხვევაში არ მივიყვან აღსაზრდელად! 
ნუ დადგება ქალბატონი ნინო აქციებზე, სადაც სიძულვილის ენა ისმის! ნუ დაუკრავს ტაშს ვაშაძეს, მელიას, მგელიას და აკეთოს თავისი საქმე! ვინ ოხერი მამაძაღლი ამოიღებს ხმას ზედმეტად? 

ოჯახის ერთი წევრის არასწორი საქციელების გამო, მეორე არ უნდა დაისაჯოს! ეს ორჯერ ორია.
მაგრამ ვაშაძის და მისი თანაგუნდელების მოწოდებებზე, რომ : ჩამოვაგდოთ ხელისუფლება! ყველა ციხეში გავუშვათ ვინც ჩვენს წინააღმდეგ არის! ყველას გიმახსოვრებთ და დედებს გიტირებთ ყველას! ქვეყნის ნახევარზე მეტ ამომრჩეველს, რომ ქურდებს და ფულით მოსყიდულ ბანდიტებს გვიწოდებს და ყველაფერ ამას ტაშს, რომ უკრავს და იღიმება ქალბატონი ანანიაშვილი, ესაა ამაზრზენი! და თავისთავად ჩნდება კითხვები: ბავშვი ცეკვის სასწავლებლად მიგყავთ ანანიაშვილის “ტანც-კლასში” თუ იმის სასწავლებლად, თუ როგორ უნდა გძულდეს შენი ხალხი და შენი ქვეყანა?

დავით ოქიტაშვილს რომ დააყარეთ, იცით რა თქვა? ან რატომ თქვა? აი ეს თქვა დაახლოებით რაც ზემოთ დავწერე და ნუ პოპულისტობთ აქ. მან თქვა, რომ თუკი ნინო ანანიაშვილი იზიარებს მისი მეუღლის აზრებს და ანტისახელმწიფროებივ ლოზუნგებს, თუკი ის მომხრეა რევოლუციების და პაპუასების დროინდელი მეთოდების გამოყენების ქვეყნის სათავეში მოსვლის გამო, მაშინ უნდა დადგეს მისი ამ თანამდებობაზე ყოფნა-არყოფნის საკითხი! და რას ხედავთ ამაში არასწორს? არც დავით ოქიტაშვილს ვიცავ და არც ქალბატონ ნინოს ვაყენებ შეურაცხყოფას, როგორც პროფესიონალს და პრიმა ბალერინას.  უბრალოდ მეც არ მომწონს მისი ქცევა (როგორც გრიგოლ ვაშაძე იტყოდა) : “ტანც-პლაშჩატკის” გარეთ!
ესაა და ეს… ვიცი, ბევრს არ მოგეწონებათ ჩემი დამოკიდებულება ამ საკითხთან დაკავშირებით, მაგრამ რა ვქნა, ეს ჩემი აზრია!

თქვენი კომენტარი?
IMG.GE