ბოლო ამბები
ივლისი 25, 2024

8 მარტის აქციის წინ სოციალურ ქსელებში მუდმივად ვრცელდებოდა ღია მოწოდებები მოქალაქეთა მხრიდან, როგორ დაეორგანიზებინათ თავდასხმა პოლიციელებზე

მაი19,2023
გაზიარება

8 მარტის აქციის წინ სოციალურ ქსელებში მუდმივად ვრცელდებოდა ღია მოწოდებები მოქალაქეთა მხრიდან, როგორ დაეორგანიზებინათ თავდასხმა პოლიციელებზე, შემოდიოდა უამრავი დაზუსტებული ინფორმაცია შეკრების არამშვიდობიან ფორმებში გადაზრდის შესახებ, – ამის შესახებ საქართველოს შინაგან საქმეთა მინისტრმა ვახტანგ გომელაურმა პარლამენტში, ინტერპელაციის ფორმატში სიტყვით გამოსვლისას განაცხადა.

„რაც შეეხება 8 მარტს დაწყებულ აქციას, შეკრება მეორე დღესაც საკანონმდებლო ორგანოს მიმდებარე ტერიტორიაზე გაგრძელდა. როგორც წინა დღეს, სიტუაციის დეესკალაციის მიზნით, პოლიციის სხვადასხვა დანაყოფის თანამშრომლები პარლამენტის შიდა ტერიტორიაზე განლაგდნენ. პარლამენტის წინ შეკრებილ აქციის მონაწილეებს საშუალება ჰქონდათ, მშვიდობიანად და უსაფრთხო გარემოში ჩაეტარებინათ საპროტესტო აქცია.

თუმცა, 8 მარტის აქციის წინ სოციალურ ქსელებში მუდმივად ვრცელდებოდა ღია მოწოდებები მოქალაქეთა მხრიდან, როგორ დაეორგანიზებინათ თავდასხმა პოლიციელებზე, შემოდიოდა უამრავი დაზუსტებული ინფორმაცია შეკრების არამშვიდობიან ფორმებში გადაზრდის შესახებ. ვრცელდებოდა ჩანაწერები, მათ შორის პოლიტიკოსებისა და არასამთავრობო ორგანიზაციის წარმომადგენლების მონაწილეობით, სადაც ღიად იყო მითითებები პარლამენტის შენობის „აღების“ შესახებ. „შეკრებებისა და მანიფესტაციების შესახებ“ საქართველოს კანონის მე-11 მუხლის თანახმად შეკრებაში მონაწილე პირებს ეკრძალებათ, იქონიონ ისეთი საგანი ან ნივთიერება, რომელიც გამოიყენება, ან შეიძლება გამოყენებულ იქნეს შეკრების ან მანიფესტაციის მონაწილეთა, ან სხვა პირთა სიცოცხლისა და ჯანმრთელობისთვის ზიანის მიყენების მიზნით“, – განაცხადა შინაგან საქმეთა მინისტრმა.

სხვა ამბების წაკითხვა