მინიმუმ 150 ლარი ისევე უნდა გადადოთ თამბაქოსთვის, როგორც კომუნალური ხარჯებისთვის

260
წაკითხვა/ნახვა
IMG.GE

თუ სიგარეტის აქტიური მწეველი ხართ და საშუალოდ 5 ლარის გადახდა გიწევთ დღიურად, ამავდროულად ვერ ახერხებთ თავის დანებებას, გარანტირებული 150 ლარი მხოლოდ თამბაქოს შესაძენად უნდა გამოყოთ და ისეთივე აუცილებელ ხარჯად გაითვალისწინოთ, როგორც კომუნალური გადასახადები. ესეც იმ შემთხვევაში, თუ დღეში 1 კოლოფი სიგარეტი გყოფნით.

ხელისუფლება თამბაქოზე აქციზის გაზრდის საბაბად მოწევის შემცირებას ასახელებს, თუმცა მწეველებისთვის ეს ნაკლებად დამაჯერებელი არგუმენტია, რადგან ასეთი მეთოდით მოწევის შემცირება ვერ მოხდება და თუ მართლა მონდომებულია მთავრობა, რომ მავნე ჩვევა აღმოფხვრას, უბრალოდ აკრძალოს თამბაქოს შემოტანა და ეს გაცილებით დამაჯერებელი იქნება, თუმცა..

ფაქტია, რომ თამბაქოს მომხმარებლები მძიმე მდგომარეობაში აღმოჩნდნენ, თუ გუშინ მათი სიგარეტის ფასი პირობითად 2, 50 ლარი ღირდა, დღეს უკვე 3.20 ლარის გადახდა უწევს. ფასი იმატებს, თუმცა არა ხარისხის ხარჯზე და არავინ იცის, თუ რა შემადგენლობის პროდუქტში იხდიან საკმაოდ ძვირ ფასს.

ის ადამიანები, რომლებიც სტაბილურად ერთი ბრენდის თამბაქოს მომხმარებლები არიან, ვერ გადავლენ შედარებით იაფიან სიგარეტზე, ამიტომ აქვთ ორი არჩევანი, ან დაანებონ თავი მოწევას, ან გადაიხადონ ძვირი. სამწუხაროდ უმეტესობა იძულებული იქნება ზედმეტი თანხა გაიღოს, რადგან თავს ვერ დაანებებს, ეს ფსიქოლოგიური მომენტი კი კარგად გათვალა მავანმა და ამ ყველაფერს მოქალაქეებზე ზრუნვა უწოდა.

წინ 2020 წლის არჩევნებია…

 

თქვენი კომენტარი?
IMG.GE