ბოლო ამბები
ივნისი 14, 2024

ეს იყო ტელეკომპანია „ფორმულას“ მიერ მოწყობილი პროვოკაცია – ირაკლი კობახიძე თსუ-ში მომხდარ ინციდენტზე

ივნ10,2023
გაზიარება

ეს იყო ტელეკომპანია „ფორმულას“ მიერ მოწყობილი პროვოკაცია”- ასე შეაფასა ირაკლი კობახიძემ დღეს, თსუ-ში მომხდარი ინციდენტი, როდესაც რამდენიმე ადამიანმა მას რუბლები დააყარა.

“ეს იყო ტელეკომპანია „ფორმულას“ მიერ მოწყობილი პროვოკაცია, ისინი იყვნენ მოსული და იღებდნენ ამ ე.წ. ინციდენტს. სინამდვილეში, მოსული იყო რამდენიმე ფორმულასთან აფილირებული ახალგაზრდა, რომლებსაც ყველანაირი ორიენტაცია აქვთ არეული.

ჩვენი მიზანი უნდა იყოს ამ ახალგაზრდების გადარჩენა, მე მგონია, რომ მათი გადარჩენა შესაძლებელია, დარწმუნებული ვარ, მათი ორიენტაციის სწორ რელსებზე მოქცევა შესაძლებელია. ეს ახალგაზრდები, რომლებიც პარლამენტის წინ იდგნენ, რამდენიმე დღის წინ და პრემიერის მიმართ შეურაცხმყოფელ განცხადებებს აკეთებდნენ, არაფერ შუაშია მათი სტუდენტობა ამ შემთხვევაში. კიდევ ერთხელ ვიტყვი, რომ მათი ორიენტაცია, სამწუხაროდ, ყველანაირად არის არეული. მგონია, რომ ეს ადამიანები სწორ რელსებზე უნდა მოექცნენ, საჭიროა, ბიჭებმა ცოლები მოიყვანონ, გოგონები დაქორწინდნენ, გამრავლდნენ და ა.შ.

მათი ყველანაირი ორიენტაცია პოლიტიკურიდან დაწყებული, უნდა გამოსწორდეს, ეს არის ჩვენი ამოცანა, ყველაფერს გავაკეთებთ ამისთვის და ყველაფერს გავაკეთებთ, მათ შორის, ამ ახალგაზრდების გადასარჩენად.” – განაცხადა ირაკლი კობახიძემ.

როცა ხარ “ნაცი”, “გირჩელი” და ა.შ. ეს ნიშნავს პოლიტიკური ორიენტაციის არევას, ჩვენი მიზანია, რომ ეს ახალგაზრდები სწორ გზას დაადგნენ, ჩადგნენ საკუთარი ქვეყნის სამსახურში და არა იმ პოლიტიკური ძალების სამსახურში, რომლებიც არიან უცხოელი აგენტები და ასევე, მათი ყველანაირი ორიენტაცია არის გამოსასწორებელი, ჩვენ ყველანაირად ვეცდებით, სწორ ჩარჩოებში მოვაქციოთ.“ – განაცხადა ირაკლი კობახიძემ.

სხვა ამბების წაკითხვა