კელი დეგნანის თქმით, ის იმედგაცრუებულია, რომ ნიკა გვარამია არ გათავისუფლდა

375
ნახვა/წაკითხვა

კელი დეგნანის თქმით, ის იმედგაცრუებულია, რომ ნიკა გვარამია არ გათავისუფლდა. ამის შესახებ მან დღეს, ჟურნალისტებთან საუბრისას განაცხადა.

“ძალიან იმედგაცრუებულები ვართ. აშშ თავიდანვე გამოხატავდა შფოთვას ამ შემთხვევასთან დაკავშირებით, დაპატიმრების დროსთან დაკავშირებით, ბრალდებებთან დაკავშირებით და რა თქმა უნდა, განაჩენთან დაკავშირებით.

როგორც ბევრჯერ ვთქვით, ასეთ სასამართლო გადაწყვეტილებაში პოლიტიკური ჩარევის აღქმაც კი ძირს უთხრის საქართველოს სასამართლო სისტემას, ძირს უთხრის სასამართლოს მიუკერძოებლობისადმი საზოგადოების ნდობას, რაც ასე მნიშვნელოვანია ძლიერი და ჯანსაღი დემოკრატიისთვის.

ჩვენ, რა თქმა უნდა, იმედი გვქონდა, რომ უზენაესი სასამართლო დაინახავდა ამ ქეისთან დაკავშირებულ პრობლემებს და ნიკა გვარამიას გათავისუფლების გადაწყვეტილებამდე მივიდოდა,” – განაცხადა დეგნანმა.