ბოლო ამბები
ივნისი 14, 2024

ხაბეიშვილს თავი მართლა თავმჯდომარე ხომ არ ჰგონია? – დავით ჩიხელიძე

მარ6,2023
გაზიარება

ხაბეიშვილს თავი მართლა თავმჯდომარე ხომ არ ჰგონია? გადიდკაცებული მარიონეტი…

ის რაც ბოლო დღეების განმავლობაში პარლამენტში ხდება, ვნებს და ძირს უთხრის დემოკრატიას, საუბარი ოპოზიციის და არასამთავრობო სექტორის დიდ ნაწილს შეეხება.

ნათლად გამოჩნდა, რომ ოპოზიცია და ე.წ. არასამთავრობო ორგანიზაციები რუსული პოლიტიკური კულტურის გამტარებელია, მათი მოწოდებები და ქმედება ცდება ცივილურ სამყაროში დამკვიდრებულ ქცევის წესებს, სამაგიეროდ შეესაბამება მესამე ქვეყნების საუკეთესო პრაქტიკას.“- ასე ეხმიანება “დემოკრატიული ცვლილებების ცენტრის” ხელმძღვანელი დავით ჩიხელიძე არასამთავრობო სექტორისა და ოპოზიციის წარმომადგენლების პროტესტს უცხო ქვეყნის გავლენის აგენტების კანონპროექტთან დაკავშირებით.

“ოპოზიცია შორს წავიდა, მათი განცხადებით (ხაბეიშვილი და ა.შ) მზად არიან ხელისუფლებას ფიზიკურად შეებრძოლონ, მაგრამ დანარჩენი თქვენზე, ხალხზეა დამოკიდებულიო.

ხალხმა ოპოზიციისადმი დამოკიდებულება არაერთხელ დააფიქსირა, საზოგადოებაში ოპოზიციის მხარდაჭერა არის ნული, ვაშაძისთვის გასაგებ ენაზე რომ ვთქვა “ზერო” . როცა კაზინოში საქართველოს განვითარების სტრატეგიაზე სამუშაოდ შედის, დარდს ზეროზე დადებით იქარვებს.

რაც შეეხება პრივილეგირებულ არასამთავრობო სექტორს, საკუთარ კვლევებშიც კი ხალხის 4 %-იანი მხარდაჭერა აქვთ, ეს ნიშნავს, რომ მათი მუშაობის პრინციპი, გაუმჭვირვალობა და ორგანიზაციის ქმედება გადახედვას მოითხოვს, რადგან მათი მუშაობის პრინციპი ქართველი ხალხის მოთხოვნებისგან შორს დგას”- წერს დავით ჩიხელიძე სოციალურ ქსელში.

სხვა ამბების წაკითხვა