ბოლო ამბები
ივლისი 15, 2024

იმედი და პოს ტვ მოვარდა, ხალხს შესვენებაზე, სადილზე დაადგა და ისტერიულ სიუჟეტებს უძღვნიან – ნათია მეზვრიშვილი

ივლ16,2023
გაზიარება

პარტია “საქართველოსთვის” თავმჯდომარის მოადგილე ნათია მეზვრიშვილი ეხმიანება წინანდალში, ოპოზიციის სხვა წარმომადგენლებთან ერთად გამართულ შეხვედრას და ამბობს, რომ სახელისუფლებო მედიებმა ის “ისტერიულად” და შეთქმულების თეორიებით გააშუქეს.

“ე.ი. პოლიტიკურ პარტიებთან (სადაც ოცნებაც ჰყავდათ დაპატიჟებული), სამოქალაქო საზოგადოებასთან და ექსპერტებთან ერთად, სოციალური სამართლიანობის ცენტრის ორგანიზებით, წინანდალში ვესწრები ერთ-ერთ ყველაზე საინტერესო, შინაარსობრივ დისკუსიას ოკუპირებულ ტერიტორიებზე არსებულ მძიმე მდგომარეობაზე, დევნილი მოსახლეობის საჭიროებებზე, ეთნიკური უმცირესობების გამოწვევებზე, რაც როგორც სჩანს, ოცნებას არ დააინტერესა და არ მობრძანდნენ. “იმედი” და “პოს ტვ” მოვარდა, ხალხს შესვენებაზე სადილზე დაადგა და ისტერიულ სიუჟეტებს უძღვნიან.

მგონი უკვე ასჯერ ვთქვი, რომ არავისთან კოალიციას არ ვაპირებთ. ასევე, ასჯერ ვთქვი, რომ მონაწილეობას მივიღებ ნებისმიერ პარტიასთან (მათ შორის ოცნებასთან და ნაცმოძრაობასთან), ცალკეულ პოლიტიკოსებთან, ორგანიზაციებთან თუ ექსპერტებთან თემატურ შეხვედრებში და დისკუსიებში სახელმწიფოებრივ საკითხებზე და მოქალაქეთა რეალურ პრობლემებზე. ასე რომ დამშვიდდით, დაწყნარდით და საქმეს მიხედეთ (იმედი, პოსტვ)
შესვენებაზე ფოტოსაც გადავიღებ.

ჰო, მართლა, მთელი კონფერენცია მშვიდობაზეა”- წერს ნათია მეზვრიშვილი.

სხვა ამბების წაკითხვა