ბოლო ამბები
მაისი 30, 2024

იუსტიციის სახლიდან თანამშრომლებისა და მოქალაქეების ევაკუაცია განხორციელდა

აგვ2,2023
გაზიარება

იუსტიციის სახლიდან თანამშრომლებისა და მოქალაქეების ევაკუაცია განხორციელდა, რადგან უწყებაში შევიდა ანონიმური ზარი ასაფეთქებელი მოწყობილობის შესახებ.

“გაცნობებთ, რომ თბილისის ცენტრალური იუსტიციის სახლში სამუშაო პროცესის შეფერხების გამო, მზა დოკუმენტების მიღება შესაძლებელია 17:00 საათიდან თბილისის ცენტრალური იუსტიციის სახლის ავტოსადგომზე განთავსებული მობილური იუსტიციის სახლის მიკროავტობუსებიდან.

მომსახურების მიღება, ასევე, შესაძლებელია თბილისის ვარკეთილისა და გლდანის იუსტიციის სახლებიდან.

თბილისის იუსტიციის სახლში, ასაფეთქებელი ნივთიერების არსებობის შესახებ ანონიმური შეტყობინების საფუძველზე, ევაკუაცია გამოცხადდა.

აღნიშნული ინფორმაცია დაუყოვლებლივ გადაეცა საზოგადოებრივი უსაფრთხოების მართვის ცენტრ -112-ს.

პროტოკოლის წესების გათვალისწინებით, დაუყოვნებლივ განხორციელდა თანამშრომლების ევაკუაცია შენობისგან განცალკევებულ უსაფრთხო ადგილას.

სამუშაო პროცესის აღდგენის შესახებ, დამატებით ინფორმაცია გამოქვეყნდება იუსტიციის სახლის ოფიციალურ ფეისბუქის გვერდზე.

ბოდიშს გიხდით შექმნილი დისკომფორტისთვის”, – ნათქვამია განცხადებაში.

სხვა ამბების წაკითხვა