ბოლო ამბები
ივნისი 17, 2024

ამ ვერტმფრენს სამოქალაქო სახე მიეცა მხოლოდ იმის გამო, რომ რუსული სანქციებისთვის აგვევლო გვერდი – სააკაშვილი

აგვ5,2023
გაზიარება

“ამ ვერტმფრენს სამოქალაქო სახე მიეცა მხოლოდ იმის გამო, რომ რუსული სანქციებისთვის აგვევლო გვერდი”- წერს მიხეილ სააკაშვილი მისი პრეზიდენტობის დროს შეძენილ “სუპერპუმას” ვერტმფრენთან დაკავშირებით.

ამ პოსტით ის შოვის ტრაგედიას გამოეხმაურა და უპასუხა ბრალდებებს, რომ ეს ვერტმფრენი მან პირადი კომფორტისთვის შეიძინა.

“მთელი გულით განვიცდი შოვში დატრიალებულ ტრაგედიას და ვუსამძიმრებ დაღუპულთა ოჯახებს.

7 ვერტმფრენი (სუპერ პუმა), რომელიც ჩვენ ნიკოლა სარკოზის დიდი ჩართულობით შევიძინეთ, სასიცოცხლოდ მნიშვნელოვან როლს შეასრულებდა ახლა შოვში.
როცა ჩვენ ამ ვერტმფრენებს ვყიდულობდით, მედვედევი და ლავროვი საფრანგეთს დაემუქრა სანქციებით. თუ საქართველო მიიღებდა ამ ვერტმფრენებს, ისინი ევროკოპტერს აღარ შეუშვებდნენ რუსეთში.

სწორედ ამიტომ ჩვენ ამ სუპერპუმებს მივეცით სამოქალაქო სტატუსტი.
რეალურად ეს იყო ორმაგი დანიშნულების ვერტმფრენები, როგორც სამხედრო, ასევე სამაშველო. მას სამოქალაქო სახე მიეცა მხოლოდ იმის გამო, რომ რუსული სანქციებისთვის აგვევლო გვერდი.

პრეზიდენტი სარკოზი პირადად იყო ამ ვერტმფრენების ყიდვაში ჩართული. სარკოზის პირადი კავშირებით უპრეცედენტო, ფაქტობრივად 0% კრედიტით ვიყიდეთ 7 ევროკოპტერი და დამატებით კიდევ ვგეგმავდით 7 ჩამოყვანას საქართველოში.
როცა ივანიშვილი მოვიდა ხელისუფლებაში დაიბარა საფრანგეთიდან წარმომადგენლები და უთხრა, რომ საქართველოს აღარ სჭირდებოდა ფრანგული ვერტმფრენები და გადაწყვიტა ძველი, ამორტიზებული რუსული ვერტმფრენების შეკეთება.

მას კარგად აუხსნეს, რომ რუსეთი არ გვაძლევდა მარაგნაწილებთან წვდომას და რომ ეს დაჯდებოდა ბევრად ძვირი.

ამ საუბრის მიუხედავად ივანიშვილმა დაიწყო მოლაპარაკება პეტერბურგელ ბიზნესმენთან, ევროკოპტერების გასაყიდად, იმ ევროკოპტერების რომელიც საფრანგეთისგან რუსეთის დიდი ზეწოლის მოუხედავად, მაინც ჩამოვიყვანეთ საქართველოში!”- წერს სააკაშვილი.

სხვა ამბების წაკითხვა