ბოლო ამბები
აპრილი 16, 2024

წინასწარ გვქონდა ინფორმაცია, რომ „მთავარ არხთან“ დაკავშირებით კეზერაშვილი და ხაზარაძე ერთმანეთში დალაგდნენ – ირაკლი კობახიძე

სექ5,2023
გაზიარება

ჩვენ წინასწარ გვქონდა ინფორმაცია, რომ კეზერაშვილი და ხაზარაძე „მთავარ არხთან“ დაკავშირებით ერთმანეთში დალაგდნენ და ეს დაადასტურა გიორგი გაბუნიამ გამოსვლაში, – განაცხადა “ქართული ოცნების” თავმჯდომარემ ჟურნალისტებს დღეს,  პარლამენტში

მედიის წარმომადგენლებმა მას ითხვა დაუსვეს „მთავარი არხის“ გენერალური დირექტორის, გიორგი გაბუნიას იმ განცხადებაზე, რომ ტელეკომპანია „ნაციონალური მოძრაობის“ ტელევიზია აღარ არის.

„ერთგვარი თამაშია. წინასწარ გვქონდა ჩვენ ინფორმაცია, რომ კეზერაშვილი და ხაზარაძე „მთავარ არხთან“ დაკავშირებით ერთმანეთში დალაგდნენ. ანუ „მთავარი არხი“ მოემსახურება ახლა კოლექტიურ „ნაცმოძრაობას“ და არა მხოლოდ პარტია „ნაცმოძრაობას“. ეს იქნება კეზერაშვილის ხაზიც და ხაზარაძის ხაზიც.

ეს ინფორმაცია ჩვენ გვქონდა წინასწარ და ამის დადასტურება იყო საბოლოო ჯამში, გიორგი გაბუნიას გამოსვლა. ერთმანეთში დალაგდნენ. ნახავთ, ახლა როგორ გაგრძელდება სარედაქციო პოლიტიკა, დამატებით გამოიკვეთება „ლელოს“ ხაზი „მთავარი არხის“ სარედაქციო პოლიტიკაში. სხვათა შორის, ამაში ფინანსებიც არის ჩართული. ჩვენი ინფორმაციით, კეზერაშვილთან ერთად ხაზარაძეც დააფინანსებს არხს“, – განაცხადა ირაკლი კობახიძემ.

სხვა ამბების წაკითხვა