ბოლო ამბები
მაისი 27, 2024

ამერიკა კვლავ ღრმად შეშფოთებულია კანონპროექტის გამო და აგრძელებს თბილისში მიმდინარე აქციის თვალყურის დევნებას – ნედ პრაისი

მარ9,2023
გაზიარება

ამერიკა აგრძელებს თბილისში მიმდინარე აქციის თვალყურის დევნებას – ამბობს  სახელმწიფო დეპარტამენტის პრეს-სპიკერი ნედ პრაისი.

„ჩვენ მოვუწოდებთ საქართველოს მთავრობას, პატივი სცეს მშვიდობიანი შეკრებისა და მშვიდობიანი პროტესტის თავისუფლების უფლებას. მოვუწოდებთ ყველა მხარეს თავშეკავებისკენ და თავიდან აირიდონ გამამწვავებელი და ძალადობრივი ქმედებები, ამავდროულად, დაიცვან კანონის უზენაესობა და საქართველოს დემოკრატიული ღირებულებები.

ჩვენ, როგორც უკვე ბოლო დღეებში არაერთხელ აღვნიშნეთ, ღრმად ვართ შეშფოთებული ცოტა ხნის წინ წარდგენილი უცხოელი აგენტების შესახებ კანონპროექტით, რომელიც დამტკიცების შემთხვევაში სტიგმატიზებას განახორციელებს და ჩაახშობს დამოუკიდებელ ხმებსა და მოქალაქეებს, რომლებსაც სურთ უკეთესი მომავლის შენება თავიანთ საზოგადოებაში.

პარლამენტი იღებს კრემლით შთაგონებულ კანონპროექტს, რომელიც შეუთავსებელია საქართველოს მოსახლეობის ევროპაში ინტეგრაციისა და დემოკრატიული განვითარების მკაფიო სურვილთან.

ამ კანონპროექტის გაგრძელება, ჩვენი აზრით, დააზიანებს საქართველოს ურთიერთობას სტრატეგიულ პარტნიორებთან და საფრთხეს შეუქმნის საქართველოს ევროატლანტიკურ მომავალს, რაც ქართველი ხალხის მისწრაფებების საფუძველია და რომელსაც ქართველი ხალხი მისდევდა ათწლეულების განმავლობაში, საქართველოს დამოუკიდებლობის მოპოვებიდან. აშშ საქართველოს სტრატეგიული პარტნიორია. საქართველოს აქვს ევროპაში, ევროკავშირში სრული ინტეგრაციის მისწრაფება“, – განაცხადა ნედ პრაისმა, რომელიც მიმდინარტე თვეში ტოვებს თანამდებობას და სხვა პოზიციაზე გააგრძელებს მუშაობას.

სხვა ამბების წაკითხვა