ბოლო ამბები
მაისი 30, 2024

შემოდგომაზე აშშ-ის ადმინისტრაცია კვლავაც მოისურვებს ომში ჩვენს ჩართვას – ვიქტორ ორბანი სოროსის, ბაიდენის ადმინისტრაციისა და ბრიუსელის წინააღმდეგ (ვიდეო)

ოქტ5,2023
გაზიარება

შემოდგომაზე აშშ-ის ადმინისტრაცია კვლავაც მოისურვებს ომში ჩვენს ჩართვას, უნგრეთი სუვერენული ქვეყანაა. ჩვენ არ გავხდებით მიგრანტთა გეტო და არ დავთმობთ უფლებას, გვქონდეს საკუთარი საგარეო და ეკონომიკური პოლიტიკა”- განაცხადა უნგრეთის პრემიერმა ვიქტორ ორბანმა 25 სექტემბერს, უნგრეთის პარლამენტში სიტყვით გამოსვლისას.

მან პირდაპირ დაადანაშაულა ჯორჯ სოროსი, ბრიუსელი და ამერიკა ზეწოლაში და იძულებაში, რათა უნგრეთის ხელისუფლებამ გაატაროს მათთვის მისაღები პოლიტიკა.

“თქვენ ხედავთ, რომ ამ შემოდგომაზე უნგრეთის ოპონენტები ერთდროულად გამოვლენ თავიანთი მოთხოვნების დასაყენებლად. ის, რაც სოროსის იმპერიას, ბრიუსელის ბიუროკრატებს და ამერიკაში დემოკრატებს სურთ ჩვენგან არის ის, რაც ჩვენ მათ არ შეგვიძლია მივცეთ – და, ვფიქრობ, არ გვინდა  მიცემა.

შემოდგომაზე აშშ-ის ადმინისტრაცია კვლავაც მოისურვებს ომში ჩვენს ჩართვას: იარაღის მიწოდება და მეტი ფულის მიცემა უკრაინას – ყოველ შემთხვევაში, ბრიუსელს მისცეს საშუალება, უკრაინას ჩვენი ფული მისცეს.

ბრიუსელს სურს, რომ მიგრანტები შემოვიყვანოთ და ავაშენოთ მათთვის მიგრანტების გეტოები, სექსუალური პროპაგანდა შევიტანოთ სკოლებში, მივცეთ მათ ეკონომიკური გადაწყვეტილების მიღების უფლება და გარდა ამისა, უარი ვთქვათ ავტონომიურ საგარეო პოლიტიკაზე და საგარეო პოლიტიკის საკითხებზე გადაწყვეტილების მიღების უფლებაზე.

ისინი იმუქრებიან, რომ თუ ჩვენ ამ ყველაფერს არ გავაკეთებთ, ჩვენზე გამუდმებით ზეწოლას მოახდენენ, ბრიუსელიდან თანხებს შეაკავებენ და – სოროსის იმპერიის ხაზით – გადაუხდიან უნგრეთის მემარცხენეებს, უნგრეთის მთავრობის შიდა ოპონენტებს.”– განაცხადა ვიქტორ ორბანმა.

სხვა ამბების წაკითხვა