გაფრთხილებ, ვინმეში არ აგერიო – გენინსპექციის ყოფილი მაღალჩინოსნის მიმართვა გიორგი გახარიას

1167
წაკითხვა/ნახვა
IMG.GE
IMG.GE

შინაგან საქმეთა სამინისტროს გენერალური ინსპექციის უფროსის ყოფილი მოადგილე ვარლამ ხათრიძე, მინისტრ გიორგი გახარიას შანტაჟში ადანაშაულებს. ამის შესახებ ის ვრცელ მიმართვას ავრცელებს.

“ახლა კარგად მომისმინე… შენ როგორც შსს მინისტრს დაგავიწყდა შენი ფუნქცია-მოვალეობები, პასუხისმგებლობა და ჩემთან მიმართებით წითელ ხაზებზე დააპირე გადაბიჯება.

აქვე გეტყვი, რომ ყველა შენს ნაბიჯზე მიიღებ ადექვატურ პასუხებს რასაც პირდაპირ თუ ირიბად ჩემთან მიმართებით განახორციელებთ.

ჩემს სამეგობროსთან მსტოვრების გამოგზავნა შეწყვიტე (ან სათანადო მაინც შეარჩიე) და ჩემი სამეგობრო შენს მშიშარა გარემოცვაში არ აგერიოს, შენი დისკრედიტაციის ფიქრის და მოქმედების გარდა, რომ არაფერს აკეთებს… ვგულისხმობ საბანაძე-ხოჯევანიშვილს (კეზერაშვილის საძმოს დღემდე, რომლებიც თქვენ დააწინაურეთ), რომლებიც თავიანთი წარსულით ნაცზონდერები არიან და ყველაფერს აკეთებენ იმისთვის, რომ შენი ავტორიტეტი შელახოს, შენივე მიღებული გადაწყვეტილებებით და მათ მიერ არასწორად განხორციელებული მეთოდებით და ვერც ხვდები, რომ სწორედ მათ შეგიქმნეს განწყობები მათთვის არასასურველი კადრების გაშვებაზე, რომ ალტერნატიული ინფორმაციის მიღების საშუალება აღარ გქონოდა, რაც შსს მინისტრს უცილოდ სჭირდება.

დასაფიქრებელია, რომ საეჭვოდ დაემთხვა (ასეთი დამთხვევები კი შემთხვევით არ ხდება) ერთმანეთს მინისტრის თუ პოლიტიკოსთა ბინების ქურდობები რაც სწორედ “იქ” იგეგმება ვისაც სწორედ შენი დისკრედიტაცია სურს… ჭაობში ხარ.

არ იფიქრო ამას იმიტომ ვწერ შენი პერსონით ვღელავდე, არა ამით საერთო საქმე ზიანდება.

მე არ ვიცი შენი დავალებით მოქმედებენ თუ საბანაძე თვითინიციატივით მოქმედებს მაგრამ შსს-დან პერსონების გამოგზავნით და გაურკვეველი საუბრებით, რომელიც ჩემი სამეგობროს შეშინებად (შემირცხვენია თქვენი შეშინებული) ან მათდამი მუქარად შეიძლება აღვიქვა (რომ მათ ჩემთან შეწყვიტონ ურთიერთობა და არ მოახდინონ რაიმე სახით დახმარებადა ა.შ.) მახსენებს ნაცრეჟიმის ხელწერას და მაფიქრებინებს ჩემს პერსონაზე საერთოდ არა გაქვთ წარმოდგენა და არ იცით ჩემი წარსული საქმიანობის შესახებ, რომელიც ეხება როგორც მართველ პარტიაში ჩემს უფლებადამცველად მოღვაწეობას ასევე შსს-ში ჩემს ყოფნას, სადაც ისე ვიმუშავე, რომ ჩემი წამოსვლის შემდეგ შენმა ზემოთაღნიშნულმა გარემოცვამ ვერ შეძლო ჩემი საქმიანობის რევიზიით, მათთვის სასარგებლო ანუ მაკომპრომიტირებელი ინფორმაციის აღმოჩენა. გპირდებით ვერც აღმოაჩენენ.

მსტოვრების მოსვლა ასევე ლოგიკურად მაფიქრებინებს, რომ მათ აქვთ სურვილი როგორც ყოფილ გენერალური ინსპექციის უფროსის მოადგილეს მიბიძგონ დავიწყო ისეთი საჯარო მოქმედებები რაც მათი ფიქრით დაფუძნებული იქნება იმ ინფორმაციებზე რაც ჩემი საქმიანობის დროს შესაძლოა მქონდეს მოპოვებული და სკანდალი მოვაწყო.

ეს კი ვისაც ყველაზე მეტად დააზარალებს მათი გათვლით შსს მინისტრი იქნება, რაც მათ ნოყიერ ნიადაგს აძლევთ განახორციელონ შეუსრულებელი ოცნება საბანაძის გამინისტრება… (ზოგიერთნი ხომ მას სუფრაზე რეალურ მოქმედ მინისტრად ადღეგრძელებს და ამით საკმაოდ თვითკმაყოფილს ტოვებენ მას)

დასკვნები თქვენთვის მომინდვია. დარჩები იქ სადაც ხართ თქვენი ნებაა, ჩემთვის ამას დღეს მნიშვნელობა აღარ აქვს და ვიმეორებ საერთო საქმისთვის კი.

მცდელობა ჩვენი შეხვედრისა მიზნად ისახავდა, რომ ბევრ რამეზე მომხდარიყო ფარდის ახდა, რასაც ჩემდა გასაკვირად ცალსახად აარიდე თავი და ამით გაექეცით რეალობას…

დაველოდები მოვლენების განვითარებას თქვენი უწყების მხრიდან და ვიმოქმედებ ყველა შესაძლო საშუალებით რაც თეორიულად და პრაქტიკულად არსებობს…
გაფრთხილებ ვინმეში არ აგერიო… ვნახოთ თუ თქვენი აჯობებს.”- წერს ვარლამ ხათრიძე.

თქვენი კომენტარი?
IMG.GE