მეორე ტურში ხმის მიცემასთან ერთად, ხმაც უნდა ამოვიღოთ და გავაგონოთ ხელისუფლებას

394
წაკითხვა/ნახვა
IMG.GE

შენების მოძრაობის თავმჯდომარე დავით უსუფაშვილის განცხადებით, საზოგადოებამ ხელისუფლებას უნდა გააგონოს ხმა და უთხრას, რომ ის მხოლოდ არჩევნებისთვის არ არის და უნდა ახსოვდეს, რომ მას ქვეყანა აბარია.

“მეორე ტურში ხმის მიცემასთან ერთად, ხმაც უნდა ამოვიღოთ და გავაგონოთ ხელისუფლებას, ხელისუფლებავ, ნუ დაივიწყე, რომ ქვეყანა შენ გაბარია. ნუ გახდი მხოლოდ საარჩევნო ხელისუფლება! ეს შეიძლება იყოს უფსკრული, რომელიც ჩაიყოლებს ამ ხელისუფლებასაც და ქვეყანასაც. რადგან, ასეთი ცვლილების შემთხვევაში, მაშინვე ვიღებთ სხვა ხელისუფლებას, ისეთივე ერთმმართველს, რომლის ცხრა წელიც „პრავდება“ და ჩადენილი სისულელეებიც – მე აი ეს მაღელვებს.

პირადად სააკაშვილს ნამდვილად ურჩევნია დარჩეს არსებული, პროპორციულ-მაჟორიტარული საარჩევნო სისტემა და ამ ტალღაზე მიწოლ-მოწოლით, ხელისუფლების სისუსტეების სარგებლობით, მიაღწიოს არსებული სისტემით არჩევნების ჩატარებას და თანაც რაც შეიძლება მალე. მითუმეტეს გამორიცხულია მან ორი წელი მოითმინოს. ამიტომაა მნიშვნელოვანი ხელისუფლებამ საკუთარი ინიციატივით გამოაცხადოს ვადამდელი პროპორციული არჩევნები.

რადგან არჩევნები უნდა მოიგო პოლიტიკური ინიციატივებით და იმედების გაღვივებით. არჩევნებს ვერ იგებ მხოლოდ მოწინააღმდეგესგან მტრის ხატის წარმოჩენით და დაშინებით! ჩვენ უნდა ვაშენოთ სახელმწიფო და არა სახელმწიფოში საკუთარი კეთილდღეობა!“ – განაცხადა დავით უსუფაშვილმა.

თქვენი კომენტარი?