ემიგრანტებისთვის “ქართული ოცნება” განცხადებას ავრცელებს

318
წაკითხვა/ნახვა
IMG.GE

“ქართული ოცნების” ინფორმაციით, “ნაციონალური მოძრაობა” წინასაარჩევნოდ, საზღვარგარეთ მყოფ საქართველოს მოქალააქეებს ატყუებს. როგორც დღეს გამართულ ბრიფინგზე ითქვა, მსოფლიოს სხვადასხვა ქვეყანაში მათ შექმნილი აქვთ ე.წ მიკრო შტაბები, საიდანაც უკავშირდებიან იქ მცხოვრებ ქართველებს და ქართული ოცნებისთვის  ხმის მიცემის სანაცვლოდ ლეგალურ სამსახურსა და თავშესაფარს ჰპირდებიან.

“ამასთან ავრცელებენ ცრუ ინფორმაციას, თითქოს საარჩევნო კომისიას ბიულეტენები მათ ნაცვლად უკვე ჩაყრილი აქვს ყუთებში. ეს დაჯგუფებები მოქალაქეებს ქართული ოცნების საელით ჰპირდებიან, რომ მათთვის ხმის მიცემის შემთხვევაში საარჩევნო უბანზე ავტომობილით მიიყვანენ, ასევე, ვითომდა აღრიცხვაზე აყვანის მოტივით პირად ნომრებს ართმევენ.

აქტიურად იყენებენ სოციალურ ქსელებს და ყალბი გვერდების მეშვეობით ცრუ ინფორმაციებსა და ვიდეოებს ავრცელებენ. ნაციონალური მოძრაობის სრული დეზინფორმაციული კამპანიის მიუხედავად, სრული პასუხისმგებლობით ვაცხადებთ, რომ როგორც ქვეყნის შიგნით, ისე გარეთ საარჩევნო პროცესი კანონის სრული დაცვით, თავისუფალ და დემოკრატიულ გარემოში წარიმართება”– ნათქვამია განცხადებაში.

თქვენი კომენტარი?
IMG.GE