საქართველოს პრეზიდენტი მამუკა ხაზარაძის განცხადებას გმობს და სექსისტურს უწოდებს

510
წაკითხვა/ნახვა

საქართველოს პრეზიდენტი გმობს და სექსისტურს უწოდებს მამუკა ხაზარაძის განცხადებას მაია ცქიტიშვილის შესახებ, როდესაც თქვა, რომ მას ხაჭაპურის ცხობა უკეთ გამოსდის.

“ვგმობ დღეს გაკეთებულ სექსისტურ განცხადებას. კატეგორიულად მიუღებელია ჩემთვის და მგონი ასევე ქართული საზოგადოებისთვის, დღეს ერთერთი პოლიტიკური ლიდერის მიერ გაკეთებული შეფასება ქალი პოლიტიკოსის მისამართით.
ქალის მიმართ დამამცირებელი და დამაკნინებელი კომენტარები მთელ მსოფლიოში დასჯადი ხდება და მითუმეტეს მიუღებელია ქართული კულტურისა და ტრადიციებისთვის.

მსგავსი კომენტარი იქნება თუ პირადი ცხოვრების ამსახველი კადრების მუდმივი ტირაჟირება ან კიდევ შეურაცხყოფის მიყენების სხვადასხვა ფორმა, რეალურად ჩვენ საზოგადოებას ამცირებს და არ გვეკადრება.
ვისურვებდი, რომ ამ საარჩევნო პერიოდის დასაწყისში ყველა ვთანხმდებოდეთ მინიმალური ეთიკის ნორმებზე და სიძულვილის და შეურაცხყოფის ენისგან თავშეკავებაზე.”– წერს პრეზიდენტი

თქვენი კომენტარი?