იდენტობის ერთადერთ ღერძად ის გქონდეს, რომ შენი წინამორბედი “სისხლიანი” იყო – და თან ამ მართლა სისხლიან სისტემას სულს უბერავდე და აძლიერებდე

458
წაკითხვა/ნახვა

ჟურნალისტ სალომე ასათიანის პოსტი სოციალრ ქსელში.

“ნეტავი რომელი განზომილების არამზადობაა ხელისუფლებაში მოსვლიდანვე იდენტობის ერთადერთ ღერძად ის გქონდეს, რომ შენი წინამორბედი “სისხლიანი” იყო – და თან ამ მართლა სისხლიან სისტემას სულს უბერავდე და აძლიერებდე, ძალოვანებიან-პროკურორებიან-მოსამართლეებიანად.

წინებს პოლიტიკურ დნმ-ში ჰქონდათ სადიზმი და პირდაპირ, გულწრფელად გვეუბნებოდნენ, არანაირი არაფერი, ყველა ციხეშიო. აი ამჟამინდელების ფარისევლობა, კოხტაპრუწობა, “ძალადობაზე” მოთქმა და თან სტრასბურგის მიერ წამებაში მხილებული გამომძიებლების ხელუხლებლად დატოვება ახალ-ახალი მსხვერპლებისთვის – ეს რაში წერია საერთოდ და სახელად რა ქვია არ ვიცი. ის “ცხრა წელიც” ხომ რიტორიკულ ფორმულად გადააქციეს და გაცვითეს საბოლოოდ. ახლა შემდეგი ხელისუფლება თუ მოვა, ისიც ალბათ ოცნების რვა თუ ცხრა წელზე ილაპარაკებს და იჟონგლიორებს. ასე ივლიან გვამებზე და დატანჯულ სხეულებზე, არხეინად. კიდევ ვამბობ – რაღაც ძალიან ფუნდამენტური თუ ვერ შევცვალეთ.”– წერს სალომე ასათიანი.

თქვენი კომენტარი?