ბოლო ამბები
აპრილი 16, 2024

ამერიკამ 4 ქართველი მოსამართლე დაასანქცირა – კელი დეგნანის განცხადება (ვიდეო)

აპრ5,2023
გაზიარება

ამერიკის სახელმწიფო დეპარტამენტმა 4 ქართველი მოსამართლე დაასანქცირა – ესენი არიან ლევან მურუსიძე, მიხეილ ჩინჩალაძე, ირაკლი შენგელია და ვალერიან ცერცვაძე.

დეტალებზე სპეციალურ ვიდეომიმართვაში ისაუბრა ამერიკის ელჩმა საქართველოში კელი დეგნანმა:

“ამერიკის სახელმწიფო დეპარტამენტი მიხეილ ჩინჩალაძის, ლევან მურუსიძის, ირაკლი შენგელიას და ვალერიან ცერცვაძის საჯარო სანქცირებას ახდენს, ვიზის აკრძალვის შესახებ 7031(c) წესის საფუძველზე, მნიშვნელოვან კორუფციულ საქმიანობაში მათი ჩართულობის გამო.

„ამერიკის შეერთებული შტატები აგრძელებს საქართველოს მოქალაქეების მხარდაჭერას დემოკრატიისა და სამართლის უზენაესობის გაძლიერების კუთხით და გააგრძელებს იმ პირთა ანგარიშვალდებულების უზრუნველყოფას, ვინც პირადი სარგებლის მიზნით, ბოროტად იყენებს საჯარო უფლებამოსილებას. ჩვენ ყველა იმ მოსმართლის გვერდით ვდგავართ, ვისაც აქვს გამბედაობა და კეთილსინდისიერება იმოქმედოს მიუკერძოებლად და დამოუკიდებლად.

პირებს, რომელთა სანქცირებაც განხორციელდა 2023 ფისკალური წლის დაფინანსების აქტის 7031(c) თავის საფუძველზე, რომელიც ეხება სახელმწიფო დეპარტამენტის საგარეო ოპერაციებსა და მასთან დაკავშირებულ პროგრამებს, (Div. K, P.L. 117-328) (“თავი 7031(c)”) და მათ უშუალო ოჯახის წევრებს, ეკრძალებათ ამერიკის შეერთებულ შტატებში შესვლა”, – აღნიშნულია სახელმწიფო მდივან ენტონი ბლინკენის განცხადებაში, რომელსაც საქართველოში აშშ-ის საელჩო ავრცელებს

სხვა ამბების წაკითხვა