“ალტ-ინფო”-ს ჯგუფის განცხადება დავით გარეჯში განვითარებულ მოვლენებზე

440
წაკითხვა/ნახვა
IMG.GE IMG.GE

სამოქალაქო მოძრაობა და მედია ჯგუფი “ალტ-ინფო” დავით ქაცარავას მიერ, დავით გარეჯში შექმნილ ვითარებასთან დაკავშირებით გავრცელებულ ინფორმაციას ეხმიანება.

“14 ივლისს, დავით ქაცარავამ გაავრცელა ინფორმაცია, რომლის მიხედვითაც, საქართველოს მოქალაქეების ნაწილმა აზერბაიჯანელი მესაზღვრეები გაყარა უდაბნოს მონასტრის ტერიტორიიდან. პარალელურად ვრცელდება მომხდარის განსხვავებული ვერსიებიც, მათ შორის მესაზღვრეებისათვის იარაღის წართმევისა და ფიზიკური ანგარიშსწორების შესახებ.

დავით ქაცარავასა და მისი ჯგუფის მიერ წარსულში გაკეთებული არაერთი არაზუსტი განცხადებისა და გავრცელებული ინფორმაციის გამო, ალტ-ინფოს ჯგუფი მოუწოდებს საკუთარ მხარდამჭერებს, მდგომარეობის გარკვევამდე და საქართველოს საპატრიარქოსა და ხელისუფლებისაგან ინფორმაციის მოწოდებამდე, თავი შეიკავონ რაიმე სახის ქმედებებისგან.

სიტუაციაში როდესაც ერთის მხრივ სახელმწიფო ტერიტორიისა და ჩვენი ქრისტიანული სიწმინდის საკითხი დგას, ხოლო მეორეს მხრივ, გარკვეული პოლიტიკური ჯგუფების მიერ მიზანმიმართული პროვოკაციისა და დეზინფორმაციის რისკი საკმაოდ მაღალია, აუცილებელია სრული ინფორმაციის საფუძველზე განვახორციელოთ ნებისმიერი ტიპის რეაგირება.” – ნათქვამია განცხადებაში.

თქვენი კომენტარი?
IMG.GE