ბოლო ამბები
ივლისი 23, 2024

რამდენჯერმე მოხდა კაფე მზიურის ერთ ადამიანზე პირდაპირი წესით გადაცემა, რაშიც მადანაშაულებდნენ და არ მინდა ეს თემა სალაპარაკო გახდეს – კახა კალაძე

ივნ17,2024
გაზიარება

თბილისის მერი კახა კალაძე აცხადებს, რომ ბავშვთა ქალაქ „მზიურში“ მდებარე კაფეს მომავალშიც იგივე სტატუსი ექნება, რაც აქამდე ჰქონდა.

ამის შესახებ მან კაფე „მზიურის“ გასხვისებასთან დაკავშირებით დასმულ შეკითხვაზე განაცხადა.

მისი თქმით, ხელშეკრულების ვადა ამოიწურა და კაფე, კანონის შესაბამისად, აუქციონის წესით გასხვისდება.

„ამოიწურა ხელშეკრულების ვადა. კაფეს გასხვისება მოხდება იგივე, სოციალური სტატუსით. რა თქმა უნდა, იგივე პროექტები განხორციელდება, რაც დღემდე ხორციელდებოდა. რამდენჯერმე მოხდა ამ კონკრეტული კაფეს ერთ ადამიანზე, პირდაპირი წესით გადაცემა, რაშიც მადანაშაულებდნენ. რა თქმა უნდა, არ მინდა ეს თემა გახდეს სალაპარაკო. კიდევ ერთხელ ვიმეორებ, კაფეს სტატუსი ექნება იგივე, შეუცვლელი. ალბათ არსებობენ ადამიანები, რომელთაც აქვთ სურვილი, მსგავსი პროექტები განახორციელონ. ამიტომ, რომ არ იყოს რაიმე ჩემს ან მერიის წინააღმდეგ, გამოცხადდება აუქციონი და ვისაც სურვილი ექნება, მიიღოს მონაწილეობა“, – განაცხადა კახა კალაძემ.

ამ საკითხს ეხმიანება კაფე მზიური-ს დამდუძნებელი ანა გოგუაძე, რომელიც სოციალურ ქსელში წერს:

“8 წლის წინ, სოციალური საწარმო „კაფე მზიური“ ბევრი ადამიანის დიდი შრომით შეიქმნა, რომელსაც, წლების მანძილზე, მხარი დაუჭირა არაერთმა საჯარო უწყებამ, კერძო, ადგილობრივმა თუ საერთაშორისო ორგანიზაციამ.

მერიის გუშინდელი გადაწყვეტილება იმდენად მოულოდნელი და მძიმე აღმოჩნდა ჩემთვის, რომ მზად ვიყავი დამეთმო ის მთავარი იდეა, რის გამოც 2006 წელს მივგორდი მზიურში – თქვენთან ერთად შემექმნა ინკლუზიური გარემო ყველასთვის.
დღეს, უკვე გააზრებულად, ვიღებ პასუხისმგებლობას და ჩემს ძვირფას 18 თანამშრომელს, თითოეულ გულშემატკივარს და თანამოაზრეს გპირდებით, რომ ბოლომდე ვიბრძოლებ, „კაფე მზიურის“, როგორც სოციალური საწარმოს იდეის და მიღწეული შედეგის გადასარჩენად!
ყველას დიდი მადლობა თანადგომისთვის. პერიოდულად გაგაცნობთ ჩვენს შემდეგ ნაბიჯებს . ჩვენ ერთად შევქმენით ეს სივრცე და ერთად უნდა გადავარჩინოთ! პოლ მაკარტნი მზიურის კაფეში აუცილებლად ჩამოვა!”- წერს ანა გოგუაძე.

სხვა ამბების წაკითხვა