ვერ იხარებენ TV “პირველი”-ს წაღებით, ეს დამთავრებულია – ინგა გრიგოლია

1617
წაკითხვა/ნახვა

თბილისის საქალაქო სასამართლოში ბიზნესმენი ავთო წერეთელი იმყოფება, რომელიც ტელეკომპანია “პირველი”-ს დამფუძნებლის მამაა, მას ბრალი აქვს წარდგენილი ე.წ ჯაფარიძე-ხაზარაძის საქმეზე და მისთვის აღკვეთის ღონისძიების შეფარდების საკითხი განიხილება. როგორც ცნობილია პროკურატურა მისთვის ნახევარმილიონიან გირაოს ითხოვს.

არხის ჟურნალისტები კი დარწმუნებულები არიან, რომ მიმდინარე პროცესები პოლიტიკურია და დაკავშირებული ტელეკომპანია “პირველთან”. ინგა გრიგოლიას თქმით, ისინი მშვიდობით მოიგებენ ამ ომს და ხელისუფლებას არ მისცემენ იმ ტელევიზიის ხელში ჩაგდების საშუალებას, რომელიც მათ, საკუთარი ხელებით შექმნეს.

“ეს არის პოლიტიკური პროცესი და დაკავშირებული ტელევიზიასთან, ტვ “პირველი”-ს დამფუძნებლის მამას 11 წლის წინანდელ საქმეზე ედავო და აქ მოიყვანო (იგულისხმება თბილისის საქალაქო სასამართლო) საქმეზე, რასაც არ ჰყავს დაზარალებული და მომჩივანი. კიდევ ერთხელ ვეუბნები დღევანდელი ხელისუფლების პიარ-სტრატეგებს, და ვიმეორებ თქვენ სიტყვებს, “ჩვენ მშვიდობით მოვიგებთ ამ ომს” გაძლევთ ამის გარანტიას, ტელევიზიას არავის არ დავუთმობთ, იმიტომ რომ ჩვენი ხელებით არის გაკეთებული TV პირველი,  გადაბმული მავთულებით გავდიოდით ეთერში და ამ არხს ვერ დავუთმობთ ვერავის, “რუსთავი2″-ით ხარობენ რაც მოხდა, ვერ იხარებენ TV პირველის წაღებით, ეს დამთავრებულია” – განაცხადა ინგა გრიგოლიამ.

თქვენი კომენტარი?