MULTIMEDIA.GE - გადამოწმებული ახალი ამბები გასაგებ ენაზე

საგარეო საქმეთა მინისტრის მოადგილე ხათუნა თოთლაძის ჩაცმის სტილს აკრიტიკებენ სოციალურ ქსელში. ის ყურადღების ცენტრში 14 დეკემბერს გამართული ბრიფინგის შემდეგ მოექცა, როდესაც ინაუგურაციის სტუმრების შესახებ ისაუბრა. პერანგზე მოსხმული კოსტიუმი, სწორედ ასეთი სტილით წარდგა ის აუდიტორიის წინაშე და როგორც ირკვევა, იგი არაერთხელ გამოსულა მსგავსი სტილით. კრიტიკოსების თქმით, საჯარო მოხელისთვის ასეთი ჩაცმულობით გამოსვლა დაუშვებელია.

ბონდო მძინარაშვილი წერს:

“ეტიკეტის ცოდნას და საზოგადოების პატივისცემას ასხივებს ეს გოგო.  ჯერ იმ მინისტრ ქალს ძლივს გავხადეთ ბამბაზიის ხალათი, მერე მეორეს ვასწავლეთ მინისტრისთვის შესაფერისი ჩაცმის კულტურა, ახლა ეს გოგო… არადა, რამე რომ უთხრა, გეტყვის – “მერე რა?!” – და ისე გაოცებული შემოგხედავს, თვალი სარკისკენ გაგექცევა, აწეული წარბი ხომ არ გამიშეშდა გაოცებისგანო. “

კრიტიკულ პოსტს აქვეყნებს ასევე ჟურნალისტი ბაკურ სვანიძე:

ზოგიერთ პოზიორს მინდა ვკითხო –  ხვალ ინაუგურაციის ცერემონიალზე თელავში ფიცის დადების დროს სალომე ზურაბიშვილი  მხრებზე მოსხმული პიჯაკით, წელზე სახელოებით შემოხვეული ჯემპრით, თავზე ბენდენით რომ  რომ გამოვიდეს, თქვენ მაგასაც “გააპრავებთ” და  იტყვით – “მოდაშია და რას ერჩით ამ ქალსო”? და თუ ვინმე გააკრიტიკებს ამის გამო, ეტყვით – მოდი რა,  ყველამ თავის ჩაცმულობას მიხედოსო? არა, ნუ თითქმის დარწმუნებული ვარ იზამთ! კიდევ კარგი თვითონ ქალბატონი სალომე მაგ ამბავში მაინც არ არის ეგეთი გოიმი და არ იზამს.”– წერს სვანიძე.

ხათუნა თოთლაძე ცნობილი დიზაინერის, ავთანდილ ცქვიტინიძის მეუღლეა, ის ასევე არის ბიზნეზმენ ბადრი პატარკაციშვილის დისშვილი.

 

თქვენი კომენტარი?