ბოლო ამბები
ივლისი 17, 2024

მსოფლიოში მავნე წერილების რაოდენობა შემცირდა, ფიშინგის შეტევები გაიზარდა: „კასპერსკის ლაბორატორია“

მარ19,2024
გაზიარება

2023 წელს გლობალურ ფოსტის ტრაფიკში სპამის საშუალო წილი წინა საანგარიშო პერიოდთან შედარებით 3,03 პროცენტული პუნქტით შემცირდა და 45,60% შეადგინა. 2022 წელს, მსოფლიოში ელ.ფოსტის საშუალოდ 48,63% წერილი იყო სპამი, რაც 3,07 პროცენტული პუნქტით მეტია 2021 წელთან შედარებით. ამას მოწმობს „კასპერსკის ლაბორატორიის “ მონაცემები, რომლის მიხედვითაც 2023 წელს რუსეთიდან სპამის წილი კვლავ გაიზარდა და 31,45% შეადგინა. მეორე ადგილზე ავიდა შეერთებული შტატები (11,30%), რომლის წილიც ოდნავ გაიზარდა. ხოლო სპამი კონტინენტური ჩინეთიდან (10,97%) იყო 3 პროცენტული პუნქტით ნაკლები, ვიდრე ერთი წლით ადრე. 2022 წელს რუსეთიდან სპამის წილი კვლავ იზრდებოდა – 29,82%-მდე. მეორე ადგილზე ჩინეთი იყო (14,00%), რეიტინგში მესამე პოზიცია დაიკავა აშშ-მ (10,71%).

კომპანიის გადაწყვეტილებები გამოეხმაურა 2023 წელს მავნე დანართის გახსნის 135 980 457 მცდელობას. 2022 წელს „კასპერსკის ლაბორატორიის“ ელფოსტის ანტივირუსმა აღმოაჩინა 166 187118 მავნე ელ. ფოსტის დანართი. ეს 18 მილიონით მეტია 2021 წელთან შედარებით.

2023 წელს ელ.ფოსტის ანტივირუსი ყველაზე ხშირად ამუშავდა რუსეთში განთავსებულ მოწყობილობებზე (16,72%). ამ ქვეყნის წილი ყველა მავნე სპამის სამიზნეებში გაორმაგდა 2022 წლიდან. ესპანეთი (9,53%) მეორე ადგილზე ჩამოვიდა, თუმცა მისი წილიც გაიზარდა. მექსიკაში მომხმარებლები (5,99%) თითქმის ისეთივე სიხშირით შეხვდნენ მავნე დანართებს, როგორც წინა წელს. 2022 წელს დაბლოკილი მავნე დანართების რაოდენობით ლიდერი იყო ესპანეთი (8.78%), რუსეთი (7.29%) მეორე იყო, მექსიკა მესამე (6.73%).

ფიშინგური შეტევების რიცხვი 2023 წელს კვლავ გაიზარდა: „კასპერსკის ლაბორატორიის“ გადაწყვეტილებებმა დაბლოკეს თაღლითურ ბმულებზე გადასვლის 709 590 011 მცდელობა. 2022 წელს ეს მაჩვენებელი 507 851 735 შეადგენდა, რაც დაახლოებით ორჯერ მეტია ვიდრე 2021 წელს.

2023 წელს, ფიშინგის გვერდები, რომლებიც იმიტირებენ გლობალურ ინტერნეტ პორტალებს (16,46%) გადასვლის მცდელობების რაოდენობის მიხედვით დაბრუნდნენ პირველ ადგილზე. თავდამსხმელები ასევე დაინტერესდნენ უფრო მცირე ვებ სერვისების მომხმარებლებით (14,66%). გარდა ამისა, ფიშინგის შეტევების 12,22% მიმართული იყო ონლაინ მაღაზიების მომხმარებლებზე. 2022 წელს „კასპერსკის ლაბორატორიის“ გადაწყვეტილებების მიერ დაბლოკილ ფიშინგ ბმულებზე დაწკაპუნების ყველაზე მეტი მცდელობა დაკავშირებული იყო მიწოდების სერვისების იმიტაციურ გვერდებთან (27,38%). მეორე ადგილზე გავიდა ონლაინ მაღაზიები (15,56%), რომლებმაც პოპულარობა მოიპოვეს პანდემიის დროს კიბერკრიმინალებში. მესამე და მეოთხე ადგილები კი გადახდის სისტემებმა (10,39%) და ბანკებმა (10,39%) გაინაწილეს.

2023 წლისათვის სპამისა და ფიშინგის შესახებ მეტი ინფორმაციისთვის ეწვიეთ https://securelist.com/spam-phishing-report-2023/112015/.

სხვა ამბების წაკითხვა